دليلك الشامل: شرح تطبيق كابتن بَلي خطوة بخطوة (مع فيديو توضيحي)
حملت التطبيق وتفعل حسابك؟ هسة صار وقت تبدأ رحلتك وتستلم أول طلب.
أول ما تكمل تسجيلك وتستلم رسالة التفعيل عبر الواتساب، الخطوة الأولى هي تحميل وتثبيت تطبيق كابتن بَلي. التطبيق مصمم بواجهة سهلة وبسيطة جداً حتى تدير شغلك وأرباحك براحة تامة ومن مكان واحد. بهذا الدليل، راح نشرحلك كل زر وقائمة بالتطبيق بالتفصيل الممل.
1. شاشة الإعلانات والتنبيهات السريعة
أول ما تفتح التطبيق، راح يظهرلك إعلان تنبيهي مميز على شكل صورة منبثقة، لازم تطلع عليها قبل لا تغلقها لأن تحتوي على:
- المسابقات والجوائز النشطة: تفاصيل التحديات الأسبوعية وكيف تشترك بيها.
- تحديثات هامة: تنبيهات تخص معلومات حسابك أو أي تعليمات جديدة.
- عروض نادي الكباتن: أحدث الخصومات المتوفرة بالورش والمطاعم لمدينتك.
2. الشريط السفلي للتطبيق (القوائم والتحكم اليومي)
زر استقبال الطلبات (الزر الدائري بالوسط)
مجرد ما تضغط عليه ويتحول لونه إلى الأزرق، هذا يعني أنك أصبحت (أونلاين / متاح) وجاهز لاستقبال طلبات الركاب فوراً. إذا ردت ترتاح أو توكف شغل، اضغط عليه مرة ثانية وراح يسألك: “هل أنت متأكد من عدم قبولك لرحلة جديدة؟” فتختار إطفاء ليتحول الحساب إلى (أوفلاين).
خانة الرسائل
مركز الإشعارات الرسمي يوصلك بيه تفاصيل البونص والمكافآت، رسائل الدعم الإداري، والخصومات الحصرية لأعضاء نادي كباتن بَلي.
قائمة الحوافز
تعرضلك كل الخطط والحوافز اليومية والأسبوعية النشطة، مثلاً: “أكمل 5 رحلات اليوم واحصل على بونص إضافي”.
خانة الدعم المباشر
فريق الدعم الفني وياك على مدار 24 ساعة، بضغطة زر تكدر تتواصل وياهم لحل أي مشكلة تواجهك بالتطبيق أو بالحساب.
3. تكسي بَلي بين المحافظات – فلترة الرحلات
إذا حاب تشتغل على خطوط المحافظات، أو سافرت لمحافظة معينة وتريد تطلع كروة برجعتك:
- تضغط على خيار “بين المحافظات” ثم “عوامل التصفية”، وتكدر تحدد مدينة الوجهة، تكلفة الرحلة اللي تناسبك، وأقصى مسافة تريد تقطعها.
- رتّب الطلبات المعروضة حسب رغبتك (أقرب نقطة للانطلاق، أقرب مدينة للوجهة، أعلى تكلفة للرحلة، أو أحدث طلب نزل بالسيستم).
4. ميزة تحديد الوجهة المفضلة
خيار “اختيار نقطة الوصول”: تكدر تحدد منطقتك أو المكان المفضل اللي تحب تروحله (مثلاً وأنت راجع للبيت نهاية اليوم).
أي طلب يطابق هذا المسار راح يظهرلك على الخريطة ومميز بـ أيقونة ذهبية خاصة حتى تقبله مباشرة.
5. تقارير الأداء والتقييم اليومي (أيقونة البيانات الأعلى يساراً)
- تقييم الكابتن (من 5 نجوم): يعكس جودة تعاملك ونظافة سيارتك حسب تقييم الزبائن إلك.
- نسبة قبول الرحلات (%): توضح التزامك بالطلبات اللي توصلك، وكلما زادت النسبة زادت فرصك باستلام رحلات أكثر.
- سجل وتقارير الرحلات: يطيك كشف تفصيلي بكل مشوار سويته مع الوقت والمكان وتفاصيل الأجرة.
6. محفظة الرصيد وتعبئة الحساب (أعلى الشاشة)
كيف يُحسب الرصيد؟ كل رحلة تكملها، تنخصم منها نسبة عمولة التطبيق تلقائياً من محفظتك.
تنبيه الرصيد السالب: إذا وصل رصيدك بالسالب إلى (-5,000 دينار عراقي) أو أكثر، راح يتوقف استلام الطلبات مؤقتاً إلى أن تشحن حسابك.
طرق شحن وتعبئة الرصيد
- الدفع الإلكتروني المباشر: عبر ماستركارد، كي كارد، أو فيزا كارد داخل التطبيق.
- عبر تطبيق بَلي للزبائن (خدمة البطاقات الرقمية): تفتح تطبيق بَلي وتدخل على قسم الخدمات ← بطاقة بَلي للسائقين ← وتشتري الباقة اللي تناسبك.
- نقاط البيع الميدانية: متوفرة بكشك والسوبرماركتات المعتمدة بكل مناطق ومدن العراق.
7. الملف الشخصي وإعدادات الحساب (الأيقونة العلوية يميناً)
عند الضغط على الأيقونة ثم على صورتك الشخصية، راح تظهرلك بياناتك الكاملة وبيانات السيارة، بالإضافة إلى فئة الخدمة المحددة لسيارتك (سوبر، بلَس، أو توفير).
وتحتها تتوفر القوائم التالية:
- تاريخ الرحلات: أرشيف كامل وتفصيلي لكل الرحلات السابقة بتواريخها.
- المستحقات والأرباح: كشف حساب دقيق بأرباحك الكلية ومستحقاتك المالية.
- إعدادات التطبيق:
- الوضع الليلي (Dark Mode): تكدر تختاره (مفتوح، مغلق، أو تلقائي) حسب إضاءة النهار والليل لراحة عينك.
- تغيير لغة التطبيق: التبديل بسهولة بين اللغة العربية واللغة الكردية.
التعليقات