دليلك العملي: شلون تقبل وتنفذ أول رحلة الك ويه بَلي؟

1. استقبال الطلب (قبول الرحلة)

• صوت وإشعار الطلب: أول ما يطلب راكب قريب منك، راح يظهر صوت اشعار للموبايل وتظهر شاشة الطلب الجديد وعداد تنازلي حتى تقرر.
• تفاصيل الطلب قبل القبول: الشاشة تعرضلك نقطة انطلاق والوصول للراكب، والسعر للرحلة وفئة المشوار (توفير، سوبر، بلَس).
• طريقة القبول: اضغط على زر “قبول الرحلة” قبل لا ينتهي العداد.

2. التوجه لنقطة انطلاق الراكب

بمجرد قبول الطلب، راح تتحول الشاشة فوراً إلى خريطة الملاحة (GPS).

اضغط على زر “التنقل / الملاحة” ليفتحلك التطبيق مسار الطريق عبر خريطة التطبيق أو خرائط كوكل أو ويز ليقودك لأسرع طريق مختصر لمكان الراكب.

تكدر تتواصل ويا الراكب عبر الاتصال المجاني داخل التطبيق أو الدردشة السريعة في حال ردت تدلي أكثر على العنوان.

3. الوصول لنقطة الانطلاق (إشعار الراكب)

أول ما توصل لمكان الزبون وتوكف بأمان، اسحب شريط أو اضغط زر “وصلت لمكان الانطلاق”.

الراكب راح يوصله إشعار فوري على جهازه بأن الكابتن وصل وبانتظارك بالخارج.

بعد صعود الراكب والتأكد من اسمه ووجهته، رحّب بيه بلباقة واضغط على “ركب الراكب”، بعدها افتح مسار الطريق الثاني اللي هو نقطة الوصول عبر تطبيق خرائط كوكل أو ويز.

4. تنفيذ الرحلة وإيصال الراكب بأمان

التزم بالسرعات المحددة، واتبع توجيهات المسار، وتأكد من تشغيل التبريد ونظافة السيارة لضمان تقييم 5 نجوم من الزبون.

5. إنهاء الرحلة واستلام الأجرة

عند الوصول للوجهة النهائية وتوقف السيارة، اضغط على “إنهاء الرحلة”.

راح تظهرلك فوراً شاشة الحساب وتفاصيل الدفع:

• إذا كان الدفع كاش (نقدي): استلم المبلغ المكتوب بالشاشة بالدينار العراقي ورجّع الباقي.
• إذا كان الدفع بالمحفظة / إلكتروني: المبلغ ينزل تلقائياً بمحفظتك داخل التطبيق، وما تحتاج تاخذ أي مبلغ من الراكب.

قيم الراكب بنجوم، وارجع للشاشة الرئيسية لتستقبل الطلب اللي بعده!

نصائح ذهبية لرفع أرباحك وتقييمك

• سرعة القبول: قبولك السريع للطلبات يرفع من نسبة قبولك ويزيد من أولوية حصولك على رحلات متتالية.
• التواصل اللبق: مكالمة سريعة ولطيفة إذا كان العنوان بفرع ضيق تنطي انطباع ممتاز وتوفر عليك وعالزبون وقت الانتظار.
• نظافة السيارة والتبريد: أهم عاملين يضمنون حصولك على تقييم 5 نجوم ومكافآت وأرباح أعلى.